八珍甜醋 2.4L

首先將薑刨皮，然後用白鑊（記得嗰個鑊係要洗乾淨徹底唔好有任何油）跟住中細火烘乾啲薑先。傳統方法就會曬乾不過英國嘅天氣難搞啲。

跟住將啲甜醋倒落瓦煲（唔可以用不鏽鋼或者任何金屬）放埋啲薑落嚟一齊加熱去到滾起。就熄火冚蓋隔一晚。唔好一直長滾落去。

跟住就調味，可以落返少少鹽（記住切記唔好落雞粉‼️同埋糖）

唔使放入雪櫃，跟住第二朝烚熟啲雞蛋剝殼，印乾水份，放落去大火滾起。熄火打開蓋。凍咗之後冚住個蓋佢擰實唔好有水入去。咁就可以keep好耐。食嘅時候攞一個乾淨嘅匙羹冇水份嘅𢳂佢出嚟（唔好用金屬匙羹）

有朋友嚟嘅話就筆幾多薑醋出嚟加雞蛋加豬腳浸一晚。記住係浸唔係滾。啲豬腳飛咗水（凍水落飛水）跟住就煮佢大約40分鐘，然後就放落去啲煲熱咗嘅薑醋同埋放啲雞蛋落去冚蓋焗住佢聽朝就會冧同埋入味（但係又唔會散晒）。

個煲嘢長期都係得醋同埋薑冇其他嘢，蛋同豬腳係事先煮咗跟住放落去滾起跟住浸一晚。大致上就係咁樣。

孕婦產後需要補鈣可以連埋雞蛋殼一齊落，即係好似茶葉蛋咁敲碎少少個雞蛋殼。