迴響粵語文學期刊 （早期）3-18期

(由於size過大 , 只限於購買後到書店取貨 , 不限郵寄)

《迴響》喺2020年，透過網上眾籌創刊，係香港以粵語為載體出版嘅期刊。刊登嘅內容，由文學、文化、生活、創作、影評、新詩、評論、經濟等等都有覆蓋，係一本圍繞住粵語去製作嘅綜合雜誌。《迴響》每期嘅作者陣都唔同，有專業作家、文化人、音樂人、經濟達人，佢哋分享自己嘅經歷，同讀者之間保持住一種互相交流嘅氣氛。而《迴響》同時接受讀者投稿，為讀者提供一個可以發表文章嘅平台。

2022年12月，《迴響》進行改革，每期都有一個明確嘅文化專題，而且保持雙月刊形式出版。2022年12月號（總期數第24期），文化專題係「22/23 展望及回顧」，即將過去嘅一年，香港同全球都發生咗好多事，我哋嘅編輯同作者各自總結一年以嚟嘅大小事，嘗試以多方面去回顧發生過嘅事。除咗繼續有連載開嘅小說，今期開始，亦都新增固定專欄，分享語言文化、劇場空間、影視音樂、飲食生活等等。

《迴響》嘅讀者唔單只係喺香港生活嘅人，亦都有移民海外嘅人，可以話只要係使用粵語、對粵語有興趣、想學習粵語嘅人，都係《迴響》嘅讀者。《迴響》希望每一期都可以做到文化載體嘅功能，用粵語去記錄、去表達當下發生嘅事，為粵語代表嘅文化留低足跡。