【口述歷史工作坊 - 聚焦二戰後你的家族歷史】

25 Apr 2026 (Sat)

近The Lowry Hotel, Salford

2025年6月讀一書店與香港文化社合辦《我講我城口述歷史工作坊》，參加者帶嚟嘅家族歷史非常精彩，本來由香港開埠開始講，點知有參加者可以用族譜追溯到宋朝，祖先仲要識司馬光。

完咗大家都覺得唔夠喉，二戰後啲故事完全無機會講。今次難得請到在倫敦帝國戰爭博物館（Imperial War Museum）工作嘅Anne來到曼城，我地當然唔會放過佢，再搞口述歷史工作坊。一齊傾下點樣可以採訪整理下自己嘅家族歷史，從家族歷史窺見香港甚至全球歷史。

無論你有無參加過，我地都好歡迎你嚟。

讀一想邀請大家做一份小功課。參加活動前，不如問下長輩，或者諗下自己有無啲片段想分享。我地誠邀你一齊打開記憶，講你聽過或經歷過故事。唔洗擔心無從入手，報名後我地會俾啲短短嘅例子你參考，等你容易準備到。

每段口述歷史都獨一無二，我地一齊嚟講故仔，聽故事，拼貼屬於我地嘅歷史。