伯明翰【讀一伯明翰寫生團 - Coventry】(Sep 13)

13 Sep 2026 (Sun)

Lady Godiva

【跟讀一去高雲地利 — 現場感受由繁榮到摧毀，再重生嘅故事】

繼上次喺伯明翰運河搞第一次導賞寫生團大成功，讀一今次同你行過少少，去高雲地利！

講起英國歷史名城，可能好多人第一時間會諗起倫敦或者YORK，但其實高雲地利曾經都係中世紀英格蘭最繁榮嘅城市之一，仲有位傳奇人物Lady Godiva - GODIVA朱古力的靈感來源。依家高雲地利市中心就可以見到呢座騎馬雕像同埋Godiva時鐘，每逢搭正都有個小驚喜添!

我哋由Lady Godiva雕像出發，沿途欣賞由畫家Matt Chu畫嘅一幅有城市故事嘅壁畫，最後到達大教堂牌坊遺址。

呢間大教堂喺二戰大轟炸中被摧毀，只係得返燒剩外牆同尖塔，就好似澳門大三巴咁。點解呢個被炸毀嘅大教堂唔重建，反而喺旁邊起一座新教堂? 等在地導賞員Kely爲你解答。

簡短導賞後，我哋同大家畫下大教堂廢墟外牆，用畫筆紀錄歷史。最後仲有成品分享環節，大家一齊傾一齊重新了解高雲地利。