廣東話潮語唔止1000年

作者 : 廣東話資料館

出版社 : 亮光文化

廣東話資料館最新著作《廣東話潮語唔止1000年》，由最新二〇二〇年至今嘅例如「流量密碼」、「0尊」、「跌嘢唔好搵」、「自肥」，一直向前數，「離地」、「有請小鳳姐」、「火星文」、「屈機」，到九十年代嘅「方丈」、「騎呢」，八十年代嘅「係咁先，唔係咩呀」、「滴汗」、「符碌」，七十年代嘅「的士夠格」、「拉柴」，六十年代嘅「要錯都係社會嘅錯」，五十年代嘅「你班馬騮」、「飽死荷蘭豆」，再繼續數前嘅「行路上廣州」、「電燈柱掛老鼠箱」、「放飛機」；再早啲香港開埠時期嘅「福壽膏」、「賣豬仔」、晚清時期嘅「穿崩」、「打落水狗」；再去到古代清潮時期嘅「做架梁」，明朝時期嘅「飛天光棍」、「發雞盲」，元朝時期嘅「收科」、「趕頭香」，宋朝時期嘅「帶挈」、「巴閉」，五代十國時期嘅「大食」、「眼中釘」，唐朝時期嘅「金叵羅」等等等等。
數完咁多潮語，仲會略略講解「潮語同新詞嘅分別」、「香港潮語著作」同「網絡潮語文化」，希望你睇完，對於出現唔止1000年嘅潮語有多一啲了解。